<<眾目睽睽咁屌鳩你>>
唔知道大家有冇遇過，或者遇緊一啲上司，係好鍾意眾目睽睽咁鬧下屬。 你一做錯，佢想鬧你，佢就call齊人馬， 關唔關事嘅都叫哂埋嚟做旁觀者，目擊你成個俾人屌嘅過程。 甚至乎佢出封email鬧你，都要cc哂全條team。
呢個眾目睽睽屌人嘅行為，多數出現喺亞洲或者華人地區。 華人明明係一個面子大過天，最重視面子嘅民族，但佢哋又最鍾意落人面。佢哋成日有一個 concept, 我鬧你令你尷尬，你就會改過自身，我係為你好。 佢哋係唔明，做嘢除咗個job本身，仲有做嘢嘅氣氛。你眾目睽睽屌我，我就算改過，條氣都唔順。
你真係想佢做番啱件事，何須大費周章，單對單面對面直接話俾佢知點做， that's it! 叫人嚟旁觀，加强氣勢？根本勁唔productive, 返埋位做野啦。
點解啲上司咁鍾意當眾屌鳩人？其實佢哋係想展示自己嘅權威，佢哋係唔明白，權威唔係主動行駛，而係被動建立㗎。你個人做得嘢，capable, 大家就會respect你，你就會有權威。你眾目睽睽咁屌人，覺得自己高高在上，嗰啲唔係權威，係狐假虎威。
我今日喺地鐵站見到兩個黑衫青年，俾兩隻龜逗緊問緊話，查緊身份證。其中一隻龜好大聲咁講：你而家咩態度？
當時我心諗，又用個招「眾目睽睽屌鳩人」， 我想話，你對住一個陌生人點解要態度好 ? 我唔識你，你唔識我，態度好只係一個bonus唔係一個must。 你問我嘢，我答你，就算我好似王菲咁嘅attitude, 西口西面答你，你問嗰啲問題，我答到你，你都唔可以屌鳩我。而家法律規定答問題要好似tvb啲香港小姐咁 sincere? 臨走仲要同奚落你嘅司儀講多謝？
想人冇面？
眾目睽睽，擘大喉嚨，屌人嗰個先最冇面。
Search